كلمات اغنية لوح منديلك فيروز 1998

طلّيت عَ بعلبك بعد عشرين سنة

اسأل إذا شافك حدا تَ يدلِّني

لا تقول منّك هون بَعْدو عالدراج

خيالَك، وبَعدا طايرة فيك الدني

لَوَّح منديلِك لوّح .. لَوَّح مشتاقْ

وتفّاح خدودِك لَوَّح .. صار بَدُّو دْوَاقْ

الحلوايِة عم تدلَّلْ .. يا قلبي دُوبْ

نصحتك تُوب من الأوّلْ .. ما كنت تتوبْ

كرمالي قوم تسهّلْ .. والدنيي غروبْ

بلكي عالهجر تحوَّلْ .. خاطرها وْرَاقْ

بالجيرة كنتِ صغيرة .. وفي جار صغيرْ

صغيرْ وفي قصّة كبيرةْ .. كبرت بكّيرْ

ورجّعني لهاك الجيرةْ .. يا عمْر كبيرْ

ورجّعلي لْيَالي الغيرةْ .. ونار العشّاقْ

بيتِك عالعين الفوقا .. بيتِك موصوفْ

وغيمات السهل الزرقا .. عَ بُوابو ضيوفْ

وسطيحات اللي فوقا .. معجوقَة رفوفْ

حساسين بترحل جَوقة .. بتطلّ جْوَاقْ

لمّا عَ بعلبك جينا .. جينا والخيلْ

الخيل البيضا تحَيِّينا .. من ميل لْمَيلْ

وصرنا شراع بْلا مِينا .. تايِهْ بالليلْ

ينْدَه فينا ماضينا .. وأيّام عتاقْ