كلمات اغنية العرض المنزّه فيصل المداريه 2022

يا صباحٍ مر ما أدري وين خيره

كان عندك خير عجّل لي ودزّه

من بزوغ الفجر لي بعد الظهيرة

والجروح اللي بقلبي مستفزّة

ما تجيب النوم يم العين سيرة

بس أناظر وأنشد الغيم واخزّه

بس أناظر وأنشد الغيم واخزّه

وين راح وكيف راح و وش مصيره

الوفا وين، الوفا وين المعزّة

أي نور وأي خير وأي خيره؟

تل قلبي من معاليقه وجزّه

ليه يقفي ليه ما حكّم ضميره

ليه سيف الهجر في قلبي يقزّه

ليه سيف الهجر في قلبي يقزّه

ليه يهجرني وأنا ما أحب غيره

وعن هوى الخفرات نفسي مشمئزّة

هو مليك القلب سلطانه وأميره

والفؤاد اللي متى ما شاء هزّه

صح أخطائي معه كانت كثيرة

وكنت أحده لآخر حدوده وألزّه

وكنت أحده لآخر حدوده وألزّه

بس بالفرقه يجازيني كبيره

كيف شيطانه على بعدي يوزّه

كيف ضام الخافق و ولع سعيره

مثل ما ضام اليهودي شعب غزّة

بس كلمة قبل أنفاسي الأخيرة

دام من يمناك موتي لي تكزّه

ما عشقت إلا أنت فوق المستديرة

ولا بغيت إلا أنت يا العرض المنزّه

ولا بغيت إلا أنت يا العرض المنزّه