كلمات اغنية العيد هل فيصل المداريه 2023

العيد هل وعيد روحي غير عن عيد الفطر

روح مع الي تنظر العالم بنظرات العيوف

الجادل الي زينها غطى على نور القمر

كم رثعت فيهم بزينً شافه الي ما يشوف

لي حضرت صاحً صبايا الحفل والزين انهمر

سبحان من صور مزاياها على ذيك الوصوف

عنقاء لي ماحت جدايلها على موتً حمر

يروح قلبي معك ما شاورت نفسي ي الخشوف

ترفه وبنت شيوخ والزين الطبيعي مستمر

ما كنها الا الجامحات من الخيول الي تطوف

ما بين لون الثلج ولا جمرتين من الجمر

يزين حال الي على حاله من الدنيا ظروف

اول وصايفها تبى تاخذ من الظبي العفر

و عيونها تذبح مشاهدها مثل ضرب السيوف

لي اقبلت زين البنات يضيع وتدقه حظر

تقول وضحاً تضرب الميدان من بين الصفوف

من دونها عزوه وناسً روسهم تقدح سطر

في ضف شيخً مجلسه ما قد خلوه الضيوف

سكنتها قلبي وخليته مقر ماهو ممر

وعزفت لك وتر المحبه والنقط فوق الحروف

معك الليالي يا وليفي كنها نسمة عطر

ومن غير شوفك كنها صوت الصواعق والشعوف

والحال من بعدك تلفبه الليالي واندمر

يا ليت كل الي نبي يجي على حسب الشفوف

العمر مره وحده وامحق زمن وامحق عمر

وش حيلتي يا نور عيني من زمانً ما يروف

اشغلت نفسي عنك مابين المشاغل والسفر

ومشيت خطً مستمر من وسط مكه ل الهفوف

و سجيت لي مده وانا لاهي ورا بوشً عفر

وازريت لا انسى طيفك الي ما تشابه الطيوف