كلمات اغنية بلاد الخير فيصل المداريه 2023

سلام الله على بلادي عدد مادارت الافلاك

سلامٍ على راية بلادي يوم نرفعها

هذا علم اليقين اللي يريح خاطر الشكاك

طلعنا بالحقيقة و الحقيقة من مطالعها

نحبك يا وطن ونحب صيفك قبل برد إشتاك

محبة صادقة من صادق الأعماق منبعها

سعوديين ديدنا نعادي كل من عاداك

ولانا ما تغيّر ، و الخوارج ما نتابعها

يحسدونك على زود النعم ، يوم الكريم أعطاك

وهذي حكمة المعبود و أرزاقه يوزعها

وسخر لك ملوك بعدهم ما يستباح احماك

هل العوجاء وعوجاهم تباشير السعد معها

ملك يتبع ملك و برايهم هذا مثل هذاك

الأسرة ما تفرق دام شرع الله مجمعها

من اولها لثانيها لثالثها عقل و إدراك

لرابعها لخامسها لسادسها لسابعها

بلاد الخير والشعب العظيم سلاحها الفتاك

سلاحٍ ما تصنعه الحكومات ب مصانعها

نسوق اعمارنا دونك وياجعل العمار فداك

منهاجنا سليمه و الامانه ما نضيعها