كلمات اغنية خط النصايف فيصل المداريه 2023

كل مالفيت مع خط النصايف

متوجه للديار وللقبيله

لاف قلبي من زمانٍ فات لايف

وشب في كبدي مثل حام المليله

اه لو العمر يرجع بالحسايف

ودي ارجع لي سنينٍ طويله

يوم كنت صغير وحمولي خفايف

في ذرا اللي متنه يشيل الثقيله

ابطش الدنيا واعدي فالنوايف

ولا علي من الصعايب مستحيله

ولا اغبط اللي شبلهم يم الوضايف

واضحك من اللي محاصيله قليله

عايشٍ في حلم واثر الحلم زايف

واحسبن ايامنا دايم جميله

مادريت اني معرض للكلايف

وميلةٍ مامثلها فالوقت ميله

ول يالدنيا مفرقت الولايف

كيف حطت شايبي تحت النثيله

كل ماذكر راحت دموعي ذرايف

وغير دمع العين ماف يدي حيله