كلمات اغنية فضيعه فيصل المداريه 2024

البيوت اللي هجوسي وردتها

في الهنوف اللي وصايفها فضيعه

عن بنات الجيل تفرق ماركتها

العذارى صابهن منها فجيعه

جل قدرة ربي اللي صورتها

مفرعٍ ذباح وعيونٍ وسيعه

العيون اللي ماترحم سلهمتها

بينها وبينك مثل حرب الوديعه

كم نفس سلهمت له وقتلتها

والمجالس موتته قامة تذيعه

والنحر براق مزنٍ ولعتها

بارقه يجذبك يوم اول ربيعه

استهلت والاودم خايلتها

سيلها جراح والبارق وليعه

القمر كنك تشوفه في طخمتها

يسري الساري معه فاول طليعه

تاخذ من الريم في دق ارقبتها

تجفل من الصوت من ربي طبيعه

كل ماوحت صوت زادة في جفلتها

حافها الرماي في دارٍ قطيعه

مالها مثناه شبرين اقفلتها

ثقلها الخلفي على نحفه يطيعه

والردوف اللي مع الناس احرجتها

لا مشت تمشي وخطوتها سريعه

تلفت الانظار والناس اشغلتها

ماتقول الا عساكم للقطيعه

كل ماقامت عبايتها اطرقتها

طرق ثوب الخام عند اللي يبيعه