كلمات اغنية يا مليحه فيصل المداريه 2023

كيف ارجع شعور البارحه واستعيده

ليت بعض المشاعر تنوخذ بالوجاهه

يامليحه وانا المخدوع وانتي المكيده

شاعرً .. بان له وجهك وصار اتجاهه

وقفي بين نظراته وتلويحة ايده

ولمي حروفه المتبعثره من شفاهه

وخلي القلب بين ظنونه وبين اكيده

وخلي احساسي .. لـ يقينه ولـ اشتباهه

وعلميني .. وش اللي قربك يابعيدة!

والفضى ياسعك ، من زحمته لـ نفاهه

صعب اسميك صدفه وانتي فرصة سعيده

شدت القلب بشعوره مهوب ب انتباهه

انتي اللي تجي فالعمر : مره وحيده

من تحبينه .. يحب الحياااه بشراهه

كيف ما اهيم في وجهك ووجهك قصيده

وكيف ما اتوه في عينك وعينك متاهه