كلمات اغنية بكيتك محسن العجمي 2024

بكيتك حنين وفقد وشوق وغلا وهيام

ولا همـني لـو اكثّـر النــاس نقـاده

حبيبي ما تدري ويـش سوّت بي الايام

ولا قول غيـر الله يلطف على اعباده

اذا قيس، وبْن زيدون سادو على الالهام

مايسـوون خِصـلة منْـك ليلـى، وولاده

انا كيـف باصف عينك او باصف السلهام

يا غنَّـوة " بليـغ " وكانـت بـ صـوت مياده !

ماظنّْك حقيقـة، انت؟ اظنّـك من الاحلام!

يا آخـر مآسي " عمري" واوّل اعيـاده

ولـو زادت .. " الآلام " او قلّــت " الآلام "

شعوري معك لـ اليوم مدري وش ابعاده؟

تغربت مــن بعـدك حوالي ثلاث اعـوام

مثـل مِـن تغـرب واحزنه طـاري بــلاده