كلمات اغنية تقاضئ الليل محسن العجمي 2023

تقاضىٰ الليل لجل البعد من قلبن حداه الشوق

و سهر لين الشروق أبلغ من خْيوطه . . . رسالاته

طواري و ذكريات الغالي ، الغايب ، تفتق افتوق

وتداعب هاجس الشاعر إلين أبدع . . . مجاراته

حبيبي . . لو تمر سْنين بعدك ما تضيع حقوق

حقوق الوصْل محفوظه و مصيونه أماناته

خذاك الليل وآخذت المساري سجة و طاروق

تخطْف نجومه أفكاري وأعيش بـ : عتم عزلاته

يعيش بـ داخل ضلوعي شعور إمن الجفا مخلوق

عثىٰ في قلبي و سيطر علىٰ عمري و ضحكاته

حرام . . البعد بلوىٰ والعمر في غيبتك محروق

كبر قلبي من الضيقات . . . . وقْطار العمر فاته

يشوف القلب شي(ن) ما تشوفه بؤرتين الموق

ألا ليتك تعرف القلب وش يعني . . . . تلفاته !

تخاوي دعوة المسلم و هو في عبرته مخنوق

من التكبير يبدا . . . . . لين ما ينهي تحياته

وداعك مزنة الأشواق ، وعْتابي ( رعد ، وبروق )

حياا منها علىٰ صدري . . . تناهاته و ضيقاته

توادعنا وأنا أدري من مواريث الغروب شْروق

ولكن وش سواة الشخص لا سلّم طموحاته

يجيب الله لقىٰ العشق و يجير الشاعر المرموق

ليا منه نثر دمع الموادع بين . . . صفحاته !

تقاضىٰ الليل لجل البعد من قلبن حداه الشوق

و سهر لين الشروق أبلغ من خْيوطه . . . رسالاته