كلمات اغنية محمد المجد محمد البريكي 2022

يا هاجسي لا دعيتك هات

من فكرك ابيات حصريه

قم للوطن وثق الوقفات

دارٍ حـكــمـهـا فـلاحـيـه

بــقيــادة اللــي لـهـم عـــــادات

مـن سـالـف عـصـور مقضيه

محمد المجد والفزعات

يــا حــي شــوفــه وطاريه

عون الذي صابته نكبات

جارت وكثرت بلاويه

وقّف معه وقفةٍ بالذات

يسمع صداها بطوليه

موثقه ما تبا بصمات

ضرير من قال وهميه

واسأل وتلقى لها وقعات

وعــلـوم مــاهــيـب مــخـفيـه

مـخلــفه من زمــانٍ فات

فــيــها الـتــواريخ فعليه

مــا مـرت عـلـومـهـا بســكــات

ولازالـــت نـيــارهــا حيه

يهل الوطن علوا الرايات

ومــن تـرتـفــع رايـتــه حيه

قــواتــنا مــاهـي شعارات

لا والله الا مثاليه

برق وناظر وهاك اثبات

جــوي وبحــري وبـــريه

يا أهل المعاني هل الشيمات

فــزعــاتــكــم ســاعة الهيه

شــرهيـن لادقـت الساعات

مـــا تــسـمــع الاّ عزاويه