كلمات اغنية قبلة المجد محمد المطروشي 2021

عيدج يعود بخير في كل عامه

يا قبلة المجد الأبيّ يا الإمارات

يا دولة ٍ تطلع على كل هامه

و لها مع اهل العز قوّه و رايات

خمسين حلت والكمال بتمامه

عامٍ يتم ابه الهنا والمسرات

(زايد) زبون الفعل شيخ الزعامه

اللي وضع للمجد وجه وحضارات

اللي يبرهن في الفعايل كلامه

يا ما رقى باهله مناره و طالات

و عياله شيوخ الفخر و الشهامه

بعده على نهجه بكل المجالات

بين التواضع و الكرم و الفخامه

تلقى نباهم حي للناس ما مات

روسٍ تدوس الذل لجل الكرامه

شفهم مع الاحداث رمز البطولات

اللي يسالمهم يعيش بسلامه

و اللي يعاديهم يبى النصر هيهات

و الله لتكسر في الملاقى عظامه

و لا يذوق اللي يبي غير حسرات

نحط في كبد المعادي علامه

ونحرم هل اللذات كل الملذات

عدونا يدفع حياته غرامه

ويحسب من اسيوف العدل ضمن الاموات