كلمات اغنية اللي تبيه محمد بن غرمان 2021

ترا التشابه وأرد بعض الوجيه

ولا أربعينك كذبةٍ في ابريلها

هذا الجمال اللي عيوني ترتجيه

ويل الصبايا من تلدّك ويلها

المهرة اللي حيّرت عقل النبيه

تجاوزت بنت الخيال وجيلها

ما كل مجهولٍ جوابه نهتديه

أصلاً حلاة الأسألة تحليلها

هي وحدها عرش الحلا من تعتليه

كأن الحلا مخلوق في تشكيلها

تاخذ من اللي ودها واللي تبيه

ومن الترف كلٍ يبي تدليلها

كم نجمةٍ تسأل وكم تنعاد ليه

كيف الضيا يشتاق وينادي لها

كيف العمر عدّا وهي تضحك عليه

كيف ابتسامتها تخدّر ليلها

مد الجمر لخدودها راحة إيديه

لين الحيا وقدّ سنا قنديلها

ما للعطر من ثغرها عطرٍ شبيه

يفوح من نبض العروق إكليلها

كأسٍ تصبّه من سوالفها وأتيـه

وش عاد لا فاض الحكي من نيلها

وش عاد نسناس الهوا لو تلتقيه

مياسةٍ كأن الهبوب تشيلها

مو حظها حظ الذهب لو تقتنيه

هذه ذهبها يحلم بتقبيلها

مو حظها حظ الذهب لو تقتنيه

هذه ذهبها يحلم بتقبيلها