كلمات اغنية جواك اتنين محمد رأفت 2021

بتدور الأيام وتلف وترجع وحدك تاني

ولا عارف تفرح ولا تزعل وما بينهم بتعاني

ومن كتر المتشال جواك كل الأحاسيس اختلطت

ليه الأيام زي بعض وشكل الفرحة معاك اتعدمت

وشكل الراحة هيجي منين وأنت بقيت جواك اتنين

واحد مات والتاني يدوبك بيعيط عليه

ومن كتر اللي يفارقوك مبقتش عارف واحشك مين

حالة شوق للفرحة الغايبة، راحت منك إمتى وفين؟

ولما تكون الدنيا بحالها بحجمها فرحها وزعلها

ولا فارقالك ولا بقى حاجة في نفسك تاني تسعالها

ولا بقى ليك لمة ولا صحاب ولا تاني بتخبط على باب

كل الناس في عينيك زي بعض وجودهم عادي يساوي غياب