كلمات اغنية شنطة هدومي محمد سلطان 2023

يوم في حضن أبويا وأمي وناسي اللي بيحبوني

بألف يوم في الغربة حتي لو مش هلاقي رزق يومي

صعبة آه العيشة واحنا كلنا في صراع جنوني

بس برضه الغربة أصعب واسألوا شنطة هدومي

عمر ضايع والفوايد آه رصيد في البنك زايد

بس ليل الغربه بارد والوجع مقاسمني نومي

مر صابح ذل بايت ناس كرامتي عليها هانت

ولأجل لقمة عيشي ثابت مهما زادت يوم همومي

وياريتني كمان معذور محسود من الناس بالزور

وشقايا يا عيني منظور على إيه مش عارف بس

ده أنا زي بيت مهجور مقطوع جدري ومبتور

فين لما حبايبي بزور وآخذ إفراج من الحبس

لا مستطعم زاد ولا ميّه ولا عايش عيشة هنية

ده الموت لو طب عليّ بيّ ما حدش هيحس

ده الموت لو طب عليّ بيّ ما حدش هيحس

دي الوقت بتسمعوا نجم الأغنية الشعبية محمد سلطان

دنيا ظالمة ومش بتدي لحد حاجة بدون ضريبة

واللي خذته قصاد شقايا عمره ما يرجع شبابي

مرمطة تخلي الصبي رغم صغر السن شيبة

وخوفي ع الناس اللي مني بعد ما كسرهم غيابي

كل يوم مليون سؤال من القلق والإنشغال

مين في غربة بيتي شال حمل أهلي ودق بابي

مين في عز تعب ولادي ما سبش ضهر مراتي فاضي

وراح وسد مكاني عادي من قرايبي ومن صحابي

وياريتني كمان معذور محسود من الناس بالزور

وشقايا يا عيني منظور على إيه مش عارف بس

ده أنا زي بيت مهجور مقطوع جدري ومبتور

فين لما حبايبي بزور وآخذ إفراج من الحبس

لا مستطعم زاد ولا ميّه ولا عايش عيشة هنية

ده الموت لو طب عليّ بيّ ما حدش هيحس

ده الموت لو طب عليّ بيّ ما حدش هيحس