كلمات اغنية فوق محمد سلطان 2023

بترخص نفسك ليه وتتذل لناس بايعاك

ده اللي إنت روحك فيه عينه أصلآ مش شايفاك

كفاياك بقي قلة قيمة كسرة نفسك دي جريمة

بطل بقى تعمل قيمة لناس من الحسابات شايلاك

حبل الإخلاص مقطوع ليه مكتف نفسك بيه

ومصر تعيش مخدوع ومعلق روحك فيه

رخصوا ثمنك وقبلت إهانة وذل إتحملت

من نظر الكل نزلت فاضل إيه هتبكي عليه

فوق، خليك دايما راسك فوق أوعي يذلك يوم مخلوق

بلا حب بلا غرام بلا شوق اللي يبيعك فرط فيه

فوق، كلنا واحد بني أدمين مش من السما والله نازلين

ملعون الحب اللي يهين إنسان في كرامته ويأذيه

عيش للي بروحه شاريك ولأخر عمره معاك

وسيب إيد اللي يوطيك وعشرته دايمآ كسراك

واقفل بابه المفتوح لو جا لك منه جروح

ولحد طلوع الروح ما تحنش للي راماك

الكون ده بكل ما فيه ما فيهوش مخلوق يستاهل

تضحي عشان ترضيه وفي عزة نفسك تتساهل

حب بلا كرامة يغور لو هيسكن في قصور

أرض التقدير لو بور عن ورثك فيها اتنازل

دوس ع اللي يبيع لو ثقله فلوس ما توطيش على إيده وتبوس

مش ماشية حياتك بتروس علشان توقف الدنيا عليه

عيش فارد جناحاتك ومافيش حد أذيك وقاصصلك ريش

ده اللي يغمس ذل بعيش بتصرخ بطنه وتدعي عليه