كلمات اغنية ياللى فت المال والجاه محمد عبد الوهاب 1942

ياللي فت المال والجاه

في سبيل قلبك وهناه

ده الحبيب اللي بتهواه

كل شيء في الدنيا فداه

فكرية ! فين انتي تعالي

أنا أهوه يا روح قلبي يا غالي

روحي وحياتي ونور عيني

وحياة عنيا وحشتيني

قوللي بقى اتأخرت ليه

أبداً يا روحي مافيش تأخير

لأ قوللي بس أقوللك إيه

دقيقة واحدة دي تبقى كتير

بلاش مغالطة تعال بص

دي مش دقيقة دي دقيقة ونص

وريني عندك أكل إيه

عندي حاجات راح تعجبك

خد دوق كده إيه كل ده

صنعة إيديا .. وحياة عنيا

تسلم إيديكي وعنيكي

وتعيشي ليا وأفديكي

آن الأوان والهوى جمع أمانينا

يارب ديم الهنا واسعد ليالينا

أهالينا جاروا وظلمونا

فاكرين الظلم هايبعدنا

حكموا علينا وحرمونا

فاكرين المال كان يسعدنا

كل السعادة والنعيم في القرب منك

من يوم ما شفتك عمري يوم ما غبت عنك

حتى في أيام الجفا كنت بحبك

وأفضل أحبك طول الحياة