كلمات اغنية تعب الهوى قلبي محمد فوزي 1955

تعب الهوى قلبى والحلو مش دارى

ولامتى حنخبى على بعض وندارى

تعب الهوى تعب الهوى قلبى

حبينا ودارينا وليلنا بيطول

ياريت ما خبينا على بعض م الاول

وصبرنا ما لاقينا الصبر بينول

وقلوبنا وعنينا مش راضيه تتحول

ضيعت ايامى بين شوقى وهيامى

وانام باوهامى واصحى على نارى

تعب الهوى تعب الهوى قلبى

تعب الهوى قلبى والحلو مش دارى

ولامتى حنخبى على بعض وندارى

تعب الهوى تعب الهوى قلبى

كلمه شايلها ليه هى اللى شاغلانى

ياريتنى اقولها ليه واعيدها من تانى

ياهل ترى فى باله والا حينسانى

ويميل لعذاله ويفوتنى وحدانى

مهما يودعنى حبه ملوعنى

وحتى لو باعنى برضه انا شارى

تعب الهوى تعب الهوى قلبى

من يوم ما كلمته فى القلب خبيته

وفعينى نيمته وبرمشى غطيته

وبايدى سلمته الروح وحبيته

من قلبى علمته الصبر وكويته

لا انا قادر احكيله ولا قادر اشكيله

واخاف اناديله لا تبان ليه اسرارى

تعب الهوى تعب الهوى قلبى

تعب الهوى قلبى والحلو مش دارى

ولامتى حنخبى على بعض وندارى

تعب الهوى تعب الهوى قلبى