كلمات اغنية يا غرامي مشعل الشراري 2023

ياغرامي لاتشكك في قدرك بالضمير

وأنت عن كل الخلايق رفيعاً مستواك

انت عندي غير حتى ولا يشبهك غير

ضي بدراً بالسماء مايطولك من يراك

شفتك اللي في ظلامي وظلماتي منير

وعن جميع الناس يازين يكفيني ضياك

أبتديتك بالمحبه وحبي لك كبير

والوفاء والحب والقدر من قلبي زهاك

مطلبك لو كان كايد وتحقيقه عسير

والله انه لجل شانك يهون لك وفداك

مارضيت بحب غيرك ولا لك من خشير

في خفوقٍ يستهيمك ولايبغى سواك

البرائه فيك مثل البرائه بالصغير

واشهد ان ربي من الزين كملك وعطاك

جعل تفداك الخلايق مع الطرف السهير

ولاخسرت العمر دام العمر كله معاك

لاتخليني أعـاني ومن فقدك ضرير

المفارق موت وجروح وتعذيب وهلاك

برني بالوصل يوم المواصل فيه خير

منك ماطيق الجفى بعد ماقلبي هواك

شفت في عينك ملاذي وانا صرت الاسير

وصرت في حبك سجينٍ مايبغى الانفكاك

والغرام اللي تسلط على عروقي خطير

اخطر من السحر بالروح من قوة غلاك