كلمات اغنية انا السويت مصطفى الربيعي 2020

انا السويت زين لناس ما يسوون

واعرف ما يغزر بس كلت بلكت

صغار ومن اسولف بيهم يكبرون

لذلك ما حجيت تعمدت اسكت

..

ظهرك لا تشده بوادم تفشل

وعشر شموع مو ياهو اليجي وتشعل

على جتافك بعد لتشيل ياهو الجان

مرات التواضع ينحسب عالذل

..

الما رادك ربح لتكول اريه وياي

ولا تعاشر بشر بجروحك يجمل

الاعوج يبقى اعوج كافي كون تتوب

خلص عمرك بوادم عوجة وتعدل

..

عيش بدنيتك عشرة قطار وناس

ولا تهتم ابد لليصعد وينزل

مرات الوداع تشوفه رحمة يصير

من تترك بشرعشرتهم توسل

كثرة بلا مواقف هاي دوخة راس

اكعد ويه روحك بيهم وغربل

الما يستاهلك ما يسوى يبقى وياك

منو اليسوى تعيش لأجله متعلعل

..

تداوي جروحهم بس من كلت مجروح

على جرحك اجتي الوادم تهلهل

بيك الصوج لا لتكول بيهم صوج

مرات الصدك من ينحجي يزعل