كلمات اغنية العقارب مصطفى شوقي 2025

الفترة ديّا الناس بقت زي العقارب

ده كلام بقوله بجد فعلًا عن تجارب

الطعنة دايمًا مش بتيجي من الغريب

جاتلك من اللي فضّلت علشانهم تحارب

واعمل حسابك قبل ما تغمّض عينيك

ممكن يخونك عادي أقرب حد ليك

ضربة عدوّك لو مموتش منها تقوى

ضربة حبيبك دي اللي بتخلّص عليك

كان كل همّك تبقى متطمن عليهم

موتك وسمّك لو يقرّب حد ليهم

حتى ابن دمّك منه ما سلِمتش كمان

ما تلومش خالص حد غيرك، ده انت خايب

وفضّلت ماسك طول حياتك حبل دايب

ضيّعت نفسك وانت مِدّيهم أمان

عشّمت روحك لما تضعف يسندوك

وما جاش في بالك اللي منك يكسروك

ردّيت غيبتهم وأما سيرتك جات أذوك

كنت في وجعهم طوق نجاتهم غرّقوك

ندمان لأنك كنت واثق في القريب

غلطان وعايز ترمي ذنبك عالنصيب

بتبدي فيهم حتى على نفسك كمان

ما يقدروش وكمان عليك بدّوا الغريب