كلمات اغنية انا والليل منير البقمي 2017

أنا والليل وأمال الوصال ودلتي والنار

نجاذب كل طاري عذر ودموعي تجاذبني

لو أسهر في الليال المظلمة ماني بطالب ثار

أنا يا اللي ما تدرون السهر من عام يطلبني

معه ياما حسدت اللي لا هو ضايق ولا محتار

يا ليته يسلب السالي مثل ما هو بيسلبني

عليّ الشوق لا نامت عيون الناس دمه حار

يـبعثرني تحت جنح الظلام ولا يرتبني

عطيت الحب حقه لين صرت من أعذب الشعار

لو يتعبك شعري والله إنه ما يتعبني

عذوبة مفرداتي معك مبنيّة على الأفكار

تزيد ابها العذوبة لا ذكرت إنك معذبني

لا تجرحني وتبعـد كل ما تجرح عن الأنظار

غيابك يحبس الأنفاس وجروحك تعاقبني

تعبت أشتاق لك والشوق وجهه ما عليه غبار

لا جيت أصفي حسابي معه عيا يحاسبني

ليا مريت دارك ما لقيت إلا حمام الدار

يأنبني ضميري من كثر ما هو يأنبني

أنا أحبك بمعنا الحب من يومٍ حنا صغار

مابي شي يبعد عنك أبي شي يقربني

ما جيتك في الهوى محتال من مبطي ولا مكار

لون محدٍ يراقب خطوتي ربي يراقبني

على سلم الرجال الأولين اللي لهم مقدار

تخيرتك حبيب وقمت في الدنيا تحببني

عسى ربي يجيبك عاد يوم إني عرفت أختار

أبعيشك بر الحب قبل يبر فيك إبني

عسى ربي يجيبك عاد يوم إني عرفت أختار

أبعيشك بر الحب قبل يبر فيك إبني

أبعيشك بر الحب قبل يبر فيك إبني