كلمات اغنية انسي غرامي منير البقمي 2018

المحترم يفرض علي الاحترامي

اقـدّر الـطـيب لـو انـي خـصيـمـه

تشابه الـعـالم برسم العظـامي

بـس المخـاليـق العـظيمه عظـيمه

و أسمي مدوّن مع كبار الاسامي

و الذكر يبقى يا العظام الرمـيمـه

حتى بدرب العشق يبقى مقامي

اهم من وصل القلوب الحميمه

اخذ الـكـلام اللي عليه الكـلامي

الحب يفنـى و الكرامه مـقيمه

استسلمي للبعد و انسي غرامي

لو ان عـاقـبـة المـفـارق و خـيمه

لو انهزم لك ما اعلن الانهزامي

لي في عيون الخلق قدر و قيـمه

بـان الجـفا و انـا عليّ الحرامـي

ما اشوف في طرد المقفّي غنيمه

اثرك سراب و قلب مغليك ضامي

روّح ترى بعدك عفا السيل ديمه

حتى لو ان جرح المحبين دامي

قربي من اللي ما يبيني جريمه

والكذب سوقه بين الاحباب حامي

يقطـعـك يا حـبٍ على غير شـيمـه

يا قلبي العاشق عليك السلامي

اثر الهوى ذا الوقـت دقه قديمـه

لا عاد تلحقني عتاب و ملامي

فـوز عـلى غيـر المعـزه هزيـمـه