كلمات اغنية جعله خير منير البقمي 2018

علامك عسى ما شر يا صبح جعله خير

ثواني دقايق ساعتك ليه منهده

وش العلم علمني من الزود للتقصير

بلا مقدمات اللي على خاطرك بده

تعجل عليّ الليل والليل وضعه غير

هجرته مثل ما يهجر الآدمي نده

ما كأني علشانك صحيتك سوات الطير

تركت السهر وما نادم الليل من مدة

إله كان عندي وش معزة و وش تقدير

أعده رفيقاً ليتني كنت ما أعده

قبل غيبة اللي غيبته ما لها تبرير

طوت سيرةٍ من عفة الحب ممتدة

تلافت عليها كل عاذل وقام امغير

كبود قبل فرقه المواليف منقده

شعتني مثل ما تشعي البدو بنت بعير

من الأصل أبوها يعرفون البدو جده

قبل عالم الترفيه والزيف والتطوير

حموها عتيبة في حمى نجد من بده

خذوها قبل ما ينبت البذر بالتبذير

على مهند تنتك الأنفاس من حده

من الولف لاقفت تلفت سوات الذير

علشان ترقب راعي الصوت لاوده

وأنا يوم أنادي وأرفع الصوت للأخير

أحط العذر عن صمتها بالهوى رده

بعد جاتني ما تسمع إلا صدى التكبير

تناثر شعرها من حياها وأنا أرده

وراحت وأنا من حيرة أمري تحت تاثير

غرامٍ مقادير الليال وقفت ضده

وأنا الشاعر اللي ما لقى للهوى تفسير

لو إني كتبت أعظم قصيدة على خده

أصيغ القصيدة من ورا مفرق التسرير

وأختْم القصيدة قبل لأقْبل على مصدّه

ليا سمْعها العاشق تغنّى بصوت منير

وعلى قلبه المجروح ذوب الحقت يدّه

أصيغ القصيدة من ورا مفرق التسرير

وأختْم القصيدة قبل لأقْبل على مصدّه

ليا سمْعها العاشق تغنّى بصوت منير

وعلى قلبه المجروح ذوب الحقت يدّه

وعلى قلبه المجروح ذوب الحقت يدّه