كلمات اغنية حفل زواج فيصل بن خلف البقمي منير البقمي 2017

لاتوصي يافيصل مايبي لي وصاه

أبشر بمحزمٍ يجْمَلْ ماهو مهتري

علم العود يبشربي يمال الغناه

والله أني على مدح النشاما جري

أنت سيفٍ نماري فيه طول الحياه

مدتك تفري الفقر الملاوع فري

للخوي كنّك البلسم وبشتك ذراه

يوم صار الزمن قدمه مرارة شري

إن ثبت زندك المفتول مثل السراه

جعل يفداك من عظمه هشاش وطري

كن وقفاتك الغرّا قوراب نجاه

والمراجل براسك مثل خزنة ثري

أنت نسل الكريم اللّي يشرف نباه

كل ماقلت أبا أقدم قال وش تحتري

ذا خلف كاسب الأمداح ريف أخوياه

من سلايل موثقة الوفاء والعري

لآد جغثوم روس الصاملين الدهاه

مجدهم عانق المريّخ والمشتري

ربعي أهل المواقف صيت وجهٍ وجاه

كل ماصارت الدنيا مهب ْصفْري

البقوم العريبه كاعمين الطغاه

دون رثم الخشوم ودون تمر السري

كانها بالفعول أنشد ثقاة الرواه

وكانها عنصريه عنصري عنصري