كلمات اغنية خضار العروق منير البقمي 2021

خضار العروق

سرى بالكرى برقٍ مزونه ماهيب اخفاف

واخذ عافية قلبٍ له ايام متعافي

ضحايا بروق المزن من ماضي الاسلاف

سناها مع اوضاع المواليف متنافي

تشتت منازلهم لو ان القلوب احلاف

ما يفرح بها الا قلبٍ امن الهوى صافي

يا قِبِلة قصيد الشاعر العاشق الميلاف

ترى طيفك اليا مر مامر خفافي

ليا مر عدّابي على قمة المشراف

واثر قمة المشراف تستنزف الخافي

غدا قلبي امن الشوق بين الضلوع انصاف

لا تبخل علي ان كان تقدر على انصافي

ليا صار ماحطيت رمشك علي الحاف

ياويلي من اللي حط شيمه على وافي

بطون القصايد من حروفك ماهيب اعجاف

انا كل يوم اقلط اسمك على قافي

ليا غبت عن عيني لحقني تعب و اخلاف

واذا جيت خليت التعب كله اخلافي

لو انك تسوي في الحشا جولة استكشاف

قنعت وتوكدت اني الصاحب الوافي

مافي صيدليات الدواء للجروح اسعاف

عوض صيدليات الدواء حضنك الدافي

عطاك الله اوصافٍ تجلت عن الاوصاف

وثوبٍ تفاصيله مثل ماذكر لافي

خضار العروق اللي تحت جلدك الشفاف

عناقيد ربلٍ ماسفى فوقها السافي

تبين التراقي لا فهقت الجديل اخلاف

بيان القمر لا روح الغيم متقافي

ليا ازعلتني لا تقلق امن ازعلي وتخاف

انا من صفاتي كاظم الغيظ والعافي

لو الهم في وسط الضماير يصير اضعاف

تحملته وقدمت له واجبه كافي

ضيوف الهموم اتدوّر الطيب المضياف

ماترتاح لين اتصير في ضيافة سنافيالنص