كلمات اغنية زفرة الوجد منير البقمي 2018

جـت هـجـوسـي تالي الليـل معـزومـه

إنعــم، رفـرف عـلمهـاعـلى رأسـي

مـن شـواردها تـلـقـيـت مـعـلـومـه

نـبـهـتـنـي , ذكـرتـنـي بعـض نـاسـي

لـوعـةٍ بالهجـر والبعـد مـدعـومـه

حـولـت تفـكيـري أخـمـاس وأسـداســي

إرتعـشـت ونبضـة القـلـب مقسـومـه

بيـن ترويـض الهبـايـب وهـوجـاســي

يامنبـه غـافـي الطـرف مـن نومـه

والله إنـي مـن سـبـايبـك محـتـاســي

لاتحـسـب إنـي غـريـبٍ نسـي قـومـه

لهـفـة الذكـرى لهـم تنـزع أنفـاسـي

مـانسـيـت مسـامـر الليـل ونجـومه

أتـذكـّـر بـيـن الأحـبـاب مـجـلاســي

فـي زمانٍ خـصـب والأرض مـرحـومــه

بيـن واحـات الخـزامـى والأطـعـاسـي

ياحبيبي زفـرة الوجـد مـفهـومـه

ياسـبـب ماصـابنـي ، قـدّر إحـسـاسـي

قـدّر الأوضـاع والوقـت وهـمـومـه

لاتـواخـذنـي عـلـى ظـرفـي القـاســي

في غـيابـك راحـة البال معـدومـه

إحـتـرق صـبـري وخـاويـت وسـواســي

لاحـبـيـبٍ غـيـرك أرتاح لعـلـومـه

ولاونـيـس إلا حــروفـي وقـرطــاســي

لي مـعـك تاريـخ وحقـوق مهضـومـه

والآمـانـي دونهـا قـلـع الأضـراســي

سـالفتنا بالتـقـاليـد محـكـومـه

آصــل أبـوابـك وأعــوّد بالإفـلاســي

وأتخـيـّل صـورةٍ عـنـك مرسـومه

فـي خـيـالـي طيفهـا يطـرد نعـاسـي

مـن يقـول الحـب ذبـّاح مالومـه

اشهد ان الحب قطّاع الانفاسي

زلزلتني نظـرة الرمـش وسـهـومـه

وأتعبـت مقيـاس (ريخـتـر) ومقيـاسـي