كلمات اغنية عهد الاحباب منير البقمي 2020

كفي دموع العين من بين الاهداب

روفي بقلبي واتركي العين تلها

انا الحزين اللي من الهم منصاب

عوج الليالي ليت ربي عدلها

اصل الغياب اللي حصل ماله اسباب

وان غابت البسمة دموعي بدلها

ترى العهد يبقى عهد بين الاحباب

ماينتقض بين القلوب وزعلها

انا عطيتك من معاليق الالباب

قلبٍ على كبر الامانه حملها

ماجيت لك قصدي مشاريه وعتاب

انتي معي كل الحياة وأملها

ياعين حرٍ جاع في راس مرقاب

عينه زهاها الكحل لو ماكحلها

الخد نوره منه والنور ماغاب

وجمر الشفايا ذاب فيها عسلها

والعنق عنق اللي مذير ومرتاب

ريميةٍ صيادها ماختلها

ياللي فتحتي للغلا داخلي باب

عليك عيني من عنا البعد ولها

اصل الوفا لي طبع والطبع غلاب

وكلٍ يموت وغايته ماوصلها

اليا حكى جذاب وان صد جذاب

واليا زعل زاد الهموم ودبلها

انشهد ان الحب تخضع له ارقاب

تبرك له ثقال الحمول وجملها

انا حلفت بحب مانيب كذاااب

والله يجازي كل نفس بعملها