كلمات اغنية فلسفة مودي العربي 2017

فلسفة

فرطا

عطيني عطيني فجر

كلن لاموني ليكو سافر لما طلعت

قالو عني اني خاين بايع وطنه

ونفسون لما حاربو قالولي ليش رجعت (ليش رجعت)

قالو عني المنافق متخبي شيطان ببدنو

عم يقول انو بحب الشام بإسما متخبي

الو عالم عم تسمع صفة ع الصفين

ما عاد اسمو العربي صار اسمو مودي الأوروبي

هيك رأيون وانا حر ما حدا الو مع ربي

ما كنت منافق لكن في واقع حقيقي

كنت عم حاول خبي تحت الأمل اللي انتهى

طاقة ايجابية آسف ما عاد في أعطي بأيدي

شايف حالي اني نجمة بوطني . عم افقد بريقي

متذكر بالآخر طريقي في وطن عم يموت

كنت كذب قول عايش انا شايفو بتابوت

عم يودع المستقبل حلبة مربطة بحبال

بقلبها مسلح وسلاح في صراع حتى الفوز

بالنفط بالثروات بالقواعد بالمساحة

بالحروب الطائفية الارواح المستباحة

فلحو الارض فلاحة سياسة بطعم وفصاحة

نكاح وبكي ونواحة آسف عذراً ع القباحة

رصاصة قتل . بعدها راحة حوضة دم للسباحة

كبو للشعب بانزين درعا شعلت القداحة

يلي بحمص احترق حلب أعلنت كفاحها

شامي ح يلومو كلامي شعب بيكره الصراحة

هوايتنا الافخاخ لما منوقع بعض

ما تلومو يلي دمرنا نحنا دمرنا بعض

بعد شي خمسين سنة يمكن نصالح بعض

حرب اصلاً مالا معنى غير تتقسم الأرض

وليكو تقسم الشعب زاد مدخل النهب

رح اكشف اول كرت السياسة كذبة للكذب

مهما زاد الفساد ماشية الطاولة بالعكس

ع المكشوف صار اللعب ضايعة الطاسة بالحرب

شفت بتل الصوان ل بعمري نبعت ع الدبح

ماني عايش للقتل معارض فكرة الشبح

بدي اوص بالعلم لهيك هربت بالبلم

انتقل الى حياة تنعم بعمق السلم

بين سنتر وسوسيال لاجئ حالة للأمومة

حتى الحئ المعاش عم عاشر العقوبة

صارت الهجرة ببلاش سحبو الكل احتياط

زيدو عمر الاحتفاظ يمكن تنفد بأعجوبة

بدي سب وبدي حشك ع المستقبل يلي ميت

شايف كلب وعم عيط جرحي بصوتي عم خيط

ارضي بإيدي مقتولة والمدينة غير مأهولة

اذآ لم اعد ملام بدي طبق المقولة:

الغنى بالغربة وطن . والفقر بالوطن غربة

وصدقوني قد ما اندمجنا . رح بتضل الغربة كربة

شايف ايامي شو صعبة . كوني ملزم بالضريبة

يمكن فيك تاخدني قدوة . تنظر النظرة الحكيمة

أيام مستقبلية في احلام ونجومية

في طموح العالمية بطوائف والعرقية

ضلو لتصفو بعض حتى ترتفع الراية

راية علي او عمر للأسف مافي نهاية

تدمرو كرمال الماضي وحتكونوا اتفه حكاية

يدرسا جيل المستقبل مع ايامهن يلي جاية

انا انسان عايش ما حدا الو مع دينو

هاد الرد ردي كرابر عم يرد عناقضينو

عم يرد عناقضينو

انا ابن الشام صاحبي

فهمك كفاية