كلمات اغنية خيالات ميحد حمد 2024

غـــزال صْغَيِّر الســنِّ

سرق قلبـي ولا أدري به

تبَعْتَــــه واتّجـــا عَنّي

وعيّــا الحـــظ يلفــــي به

انا الليّ وقتي امْحنَّـي

أدَور عَطْفَـــه وطيبـــــه

له أشــواقي يسَـــرنِّي

وليلـــي ما أغَضِّــــي به

على مِنْحـــاه وَدّنّــــي

خيـــــالاتٍ تخــــالي بـه

أخايــل له ولــو مِنّــي

بعيـــــداتٍ مســــاحيبــه

طيوفـــه يــوم يلْفِنّــي

رضَف قلبـــي تراحيبــه

وأقول بصوت وأغنّـي

هلا يا مْطَــــوِّل الغيبـــه

جميــل الــذوق والفنِّ

وحلو الوَصف يزْهِي به

ومِنْـــوة كِـل مـــتْمنَِّي

لـــو يْناظِــــر تســــاليبه

بخَــد وطـــرفٍ يعَنّي

وصَــــدر وجيد له هيبه

وخصــر وقَــد مِتْثَنّي

وردفٍ نــــابيٍ حيبـــــه

أكَِـــنّ لْه الغَـــلا كَـنِّ

وعلى الغالين أغالي بـه

دروبي لــه يمَشِّنّـــي

لــكن دروبه صْــــعِيبَه

وهــو خاطِره مــاحَنِّ

ولا راف بمحــــابيبــــه

صبـرت وعاقدٍ ظنّــي

وأقول الــوقت بـــايّي به

ومَــرّ الوقــت ما يَنّي

رســــــايلْه ومكـــــاتيبه

غـــزال صْغَيِّر الســنِّ

سرق قلبـي ولا أدري به