كلمات اغنية عزوة الفهادي ناجي بن باصم 2019

الله و اكبر لا اله الا الله

كل الاوادم تستظل بطلّه

يا جعل منطوقي بما يرضي الله

لا دكت ركابي على ميرادي

يا مرحبا ترحيبه مرفوعه

ترحيبةٍ مثنيّة مربوعه

عند ابلج فعله يعز ربوعه

الضيف يكرم ، والسلوم اتعادي

اسلوم يامٍ الله يعزّ اليامي

يام الحميا والمقام السامي

انا اشهد انهم بندقي وحزامي

ياجاهل التاريخ غادي غادي

طاب القصيد وطاب لي مضمونه

عند ابلجٍ تزها البشوت متونه

كم من خويٍ انثنى من دونه

القول قولي والبلاد بلادي

يطلق لساني فعل كل مجرّب

فالراس طيب وف الجدود معرّب

مع مفرقة الجموع مدرّب

من ينطح الواجب فلاحه بادي

حمدان بيضان الوجيه تعدّه

ف الطيب والا في نهار الردّه

وعاد اصوك الجمها سويدٍ جدّه

بني سنامة تذكره وتنادي

رد البل لحاله وحمّا صيخه

لمجاده ولمجاد اخيه الشيخه

من محسن الشهري ومن تاريخه

اخذ الحقايق والعلوم تقادي

آلاد شاهر ف الطويل النايف

سعد الرفيق مزبنين الخايف

ما حاف عكفان الشوارب حايف

من حفّهم ما يطلبون القادي

من روس قومٍ تحتضي ف الحاضي

الحاضر الحاضر يعزّ الماضي

ماتوخذ البل فالزمان الماضي

لما اعتزا من دونها الفهادي

هل سربة حرّابه ذبّاحه

لما احتزم كل اصوكٍ بسلاحه

على الدرك جبّادةٍ مياحه

لمواجه القوم ايحداهم حادي

يابندر اخترت النسب من طيبك

على الحجى المزموم عاويٍ ذيبك

ولوجيه شمطان اللحى ترحيبك

والنعم ب ال جديع ف الميعادي

نصيتوا شيوخٍ سهمهم وافي

روس ال مزهر ، مكرمين اللافي

عزاويٍ تعرف ، وبشتٍ ضافي

اهل ظفر وأهل كرم وشدادي

عوق المعادي فارس بن شله

شيخٍ يعيشون العرف في ظله

مقدم حرار ينفضون الحله

لما سمع فيها زهم وطرادي

لب الكلام من أوله لختامه

مجد ال فهادٍ ترزّ إعلامه

يا سعد منهم فاللزوم حزامه

ما يفلس اللي محزمه فهادي