كلمات اغنية السندباد الشيخ امام 2018

السندباد

حكيم عليم مخلص جسور

طاير على جناح العصور

داير كما يدور الدولاب

و را التاريخ من الجدور

يقطع شعاب

يغوص ف أغوار البحور

ينبش بعينه ف الكتاب

يقر الشواهد ع القبور

و لما عاد السندباد

رمى السلام و قال كلام

تلقاه بسيط من أوله

تعمل حويط و تأوله

تطلع غشيم

قال الحكيم

العمر ماشي و كل ماشي و له مداه

و كل فرد و له بدايته و منتهاه

الشعب هو الباقي حي

هو اللي كان هو اللي جي

طوفان شديد لكن رشيد

يقدر يعيد صنع الحياة

و الشعب لما يقول يا أصحاب العقول

نسمع و نوعى و نحترم صوت الاله