كلمات اغنية استشراق داخلي الفرعي 2017

شوف، صحيت لحالي كسرت كل منبهاتي

أخدت دوش علشان أعرف أفوت بحياتي

ضغطت زر الثقة بالنفس، ظبطت شعراتي

هادا كله بس عشان أعرف أوصل وأقلكم الأتي

مش رح نضلنا تحت، رح نطلع لفوق ونعلي

رح ندحش إيدنا بالمستقبل، نتناول عيشة أحلى

ما تنسوا إنه دم شهيد زي النبيذ

لما بتمر الأيام والسنين بيتعتق وبضله يغلي

فبوجه الحزين اللي فينا نخلي الغيوم تراضينا

نعلي العيوب اللي فينا، نقلل الديون اللي علينا

نتكاتف، نتكاتف، تختفي الطيارات لما تخش فينا

نطلع مشاعرنا على الهوا زي أبو مينا

فالقامع والمقموع، ممانع الممنوع

فكر انهزامي يُمول ويصبح مزروع

بس الجيل التالت في الداخل بدأ بالرجوع

ما صحيتش اليوم عالفاضي، قال شرعن المشروع!

فرع المداخل كنت عطشان لقيت ينبوع

لا مستني موافقتكم ولا المرئي والمسموع

أنا مش عم ببيع تطبيع، ضروري تصير تميّز

ركّز يا كويس البحر كويس يا ريس

فاتفيّز ما تفيّز مش هادا هو السؤال

بحلق بالتصريح، هذا الإحتلال

أنا إبن لاجيء على السكيت، حب يشوف البيت

فاتمسكت بطبون سرفيس الجسر عشارع الاستقلال

هاي الأغنية للكل، أغنية زي الفل

مش ردة فعل ولا انفعال، ولا فشة غل

خلوا كل واحد يقاوم بطريقته

لإنه الإحتلال بكل الأحوال واقف بطريقه

وشوفني

استشراق داخلي

واستغراب من الجميع

استشراق وإراقة الدم

كان في العراق الدم

كان نفسي أكتب تدفق ما فيه ملام

كل ما بلحن أغنية بتطلع على نفس المقام

إحنا شعب مهزوز، شعب مستفز

فاتحمسنا عالربيع زي دودة القز

تتعدد الطرق بتعدد المسالك

ليش دايمًا بدكم الأكثر عمومًا من ذلك

أنوار التفاؤل ميلت، قولتلها كيف حالك؟

مين اللي قلك إني لقيت لنفسي طريقً سالك

هاي الموسيقي تحصرهاش بمسميات نصيحتي

الإيقاع طير مهاجر أخد استراحة بحديقتي

مش رح أحصر العمر بعدد الدقات

اللحن ثورة على الذات، إذا صار إلي شبيحتي

ألوان كتير ومخلوطة، لأي لون بتميل

أي إشي بتحاول تروجه رح أعمل منو بديل

سميها موسيقي بديلة، مواقف نبيلة

الهوس بالآخر، التعصب للقبيلة

أنا عم بحاول أبالغ بس بتضلها قليلة

بر الأمان خشبة مكتوب عليها بأية وسيلة

برا عمان طلع الجمهور حافظ التفعيله

فعم ننتشر على كل الأقطار زي الأرجيلة

أخوك الفرعي الإشي العربي، اللي عم بتحس فيه من فترة

بكره الصورة وبكره هاي النظرة

في بنت بين الجمهور زاكية وعينيها حور

لازم تعرف إنها منسجمة لأنها حاملة بقلبها جمرة

قال كيف كانت بيروت، شايفني طالع سهرة

أنا مش سائح سجّان، أنا واحد من الأسرى

أنا من آل عمران فأختي بتكون العذرا

بتضل الأرض هاي كلها إلي، لو بقسموها مية مرة

شوفني

استشراق داخلي

واستغراب من الجميع

استشراق وإراقة الدم

كان في العراق الدم

استشراق داخلي

واستغراب من الجميع

استشراق وإراقة الدم

كان في العراق الدم