كوبليه ما هي كلمات اغنية ابويا واحشني جدا بلقيس ...؟
تاريخ طرح اغنية بلقيس الجديده ابويا واحشني جدا
١٧ أبريل ٢٠١٧
كلمات اغنية ابويا واحشني جدا بلقيس 2017
أنا أبويا واحشني جدا
محتاج رأيه في حاجات
أهمل في سؤاله عني
وما جاش من يوم ما مات
نضارته وساعته لسه
عالرف مكان ما سابهم
وهدومه جوه كيسهم
وجداد من يوم ما جابهم
أنا أبويا واحشني جدا
محتاج رأيه في حاجات
أهمل في سؤاله عني
وما جاش من يوم ما مات
نضارته وساعته لسه
عالرف مكان ما سابهم
وهدومه جوه كيسهم
وجداد من يوم ما جابهم
نفسي أتكلم معاه
وأحكيله عاللي تم
وهقوله مين في مرضه
زاره ونقله دم
وهقوله إني اسف
علشان خبيت عليه
وأحلفله إني نفسي
لو يوم ألمس إيديه
وأعمل له شاي خفيف
وأقسم وياه رغيف
كان حضنه جامعنا لمة
كان صوته فيه ونس
وكتير بقعد معاه
وأشكيله من الحياة
أنا عارف إنه سامع
متأكد أنه حس
ما هو برده الموت لا يمكن
يقتل في الناس شعورها
وما فيش في الدنيا شجرة
تقطعها من جزورها
وما فيش في الدنيا راحل
إلا وسايب وراه
واحد من صلبه شبهه
يدعيله في الصلاة
أنا أبويا وحشني جدا
واحشاني معاه حاجات
بطلت أعملها وحدي
من ساعة لما مات
أنا أبويا وحشني جدا
واحشاني معاه حاجات
بطلت أعملها وحدي
من ساعة لما مات
اغنية ابويا واحشني جدا بلقيس 2017 بالكلمات مكتوبة كاملة من كلمات عمرو حسن والحان د.مصطفى العسال وتوزيع محمد العشي تم طرح اغنية بلقيس الجديدة على القناة الرسمية على اليوتيوب بتاريخ ١٧ أبريل ٢٠١٧ كوبليه كلمات اغنية
- كلمات : عمرو حسن
- الحان : د.مصطفى العسال
- توزيع : محمد العشي
