كلمات اغنية لو بقدر فرج سليمان 2023

لو بقدر أخبّي ضحكتك في غيمة

لو بنفع تشتّي حب بكل محل

شي خمسة وخميسة شي عتمة وعتيمة

وشي فرحة بترجّع كل حدا رحل

في قلب بشي مغارة غنّى للوطواط

عن عامل لقصارة وشغّيل البلاط

عن شي ألف خسارة ودرب من الأغلاط

وعن لحظة جسارة تتحدّى الضُبّاط

لو بقدر أربّي الغمّازة في بيّارة

لو كل الشوارع بالحامض تنبل

شي زهرة ونوّارة شي غارة وطيّارة

شي غايب عن داره لعيونك يندل

لو بقدر أشرّب أسئلتك من نبعة

لو يتجدّل شعرك بجذور الشجر

لو كل دمعة نزلت تقدر تضوي شمعة

وتنوّر سرانا من الغور للبحر

في صوت بالمدينة بحكي نكتة حلوة

عن سروة عم تلعب محبوسة بالبروة

عن شاعر بتعلّم من طفلة عم تروي

غناي راح تكمّل مهما تشدّ البلوة

لو بقدر أخبّي ضحكتك في غيمة

لو بنفع تشتّي بغزّة والجليل

راح نبني مملكتك لمّا نفكّ الخيمة

ونفتح كل بوابك لضو القنديل