كوبليه ما هي كلمات اغنية أنا نجم كايروكي ...؟
تاريخ طرح اغنية كايروكي الجديده أنا نجم
٢٣ سبتمبر ٢٠٢٢
كلمات اغنية أنا نجم كايروكي 2022
وبعدين كل ما اخد خطوة ارجع اتنين
العمر بيجري سابق السنين
انا شاب لكن من جوة عجوز عند جناحات بس محبوس
مجروح بنزف طموح بدمي بكتب كلامي وابوح
بسرح بتخيل بروح بغني ترد فيا الروح
يمكن دا مش مكاني او الزمان دا مش زماني
او انا موهوم
يمكن خيالي وداني لدنيا او لعالم تاني
او انا مجنون او يمكن
انا نجم بس ما فيش سما
عندي جناحات بس ما فيش هوا
انا نجم بس ما فيش سما
عندي جناحات بس ما فيش هوا
وبعدين سامع جوه مني صوتين
صوت سابقني والتاني قديم
صوت يدل وصوت يضل صوت يحرر وصوت يشل
وبعدين اروح لمين بحلم ببكرة انا طول الليل
يجي النهار واصطبح كل اللي حلمته بيتمسح
اوقات بحس اني سابق
انتوا عايشين في الماضي وانا معاه بتخانق
مكاني انا شايفه مش هنا
احلامي اقوى مني ومكمله
انا نجم بس ما فيش سما
عندي جناحات بس ما فيش هوا
انا نجم بس ما فيش سما
عندي جناحات بس ما فيش هوا
انا نجم بس ما فيش سما
عندي جناحات بس ما فيش هوا
شايف لبعيد بس مافيش طريق
عندي حكايات احكيها لمين وانا وحيد
اغنية أنا نجم كايروكي 2022 بالكلمات مكتوبة كاملة من كلمات امير عيد والحان كايروكي وتوزيع كايروكي تم طرح اغنية كايروكي الجديدة على القناة الرسمية على اليوتيوب بتاريخ ٢٣ سبتمبر ٢٠٢٢ كوبليه كلمات اغنية
- كلمات : امير عيد
- الحان : كايروكي
- توزيع : كايروكي
