كلمات اغنية موال موعود فيها وائل كفوري 1994

موعود، موعود فيها صار اللي مدة

ولما تلاقت يدها بيدي

قلت بدي شكلك بالورد

قالت أنا بالعكس ما بدي

فرشتلها ريش نعام تخوت

وبوردتها بهبة نسيم الليل

وجبتلها حبة من الياقوت

تلمع بصدرها متل نجم سهيل

وقلتلها يا حاضري وغدي

عطفك هدايا الحب لا تردي

غطت زنود العاج بالديباج

وقالت اذا بتريد ما بدي

سحبت من عمر الزمن خيطان

بتلبق بلون شفافها الحمرا

وطرزت فيهن أبة الفستان

اللي رح تحترق من تلجة الجمرة

وقلت البسيهن والشمس حدي

فزعان تكوي الورد اللي مندي

قالت ما فيها شمس تكوي شمس

وعن إذنك فساتين ما بدي

وليلي شربت السحر وتغيرت

ودخلت غرفتها ورا الأحلام

وقربت من صوب الفراش

وصرت رش الغفا بعيونها تتنام

نامت وحلمت حالها حدي

وصارت تطبع جمر عا خدي، عا خدي

وشو خفت، يفلت من عيونها الحلم

وتوعى الصبح وتقول ما بدي

ولما عرفت ما في أمل

يحلي عنقودها فتشت عأحلى

ولما عرفت العصفور منها طار

ومن غير وعي ومن عيونها الكحلى

من القهر نزلت دمعة الياريت

تكوي زرار بعروة المريول

وصارت بعد ما تركتها وفليت

تركض ورايي حافية وتقول

دخلك شدني وغمرني بدي

إغفى وأعمل زندك مخدة

قلتلها سبحان الله، كيف

وقت اللي صار بدك، ما بقى بدي

يا ليل