كلمات اغنية ادوارد سعيد emsallam 2016

ادوارد سعيد

مسلّم هديب:

لا تقلي انت منتمي للارض

لاني زيي زيك لما شفنا شفنا زفته

انا منتمي للزفتة للارصفة المتفجرة والمي الي بالشوارع

والحال بطّل زي بعضه وبعض بل كثر من يرون الحر فاجر

وكثر من لا يرون شيءً وهويتي شيء من الاشياء.

كرت المؤن ابوي مخبيه عشان يثبت لجوءه

ببحر التاريخ بجذف عكس الامة ولازم اشوفه

لمجدي يما,

صبرك علي يا يابا

الشط الاقي اسجل قطعة ارضي باسمي

و اضل عمّاني من أصول فلسطينية فحاول كمان مرة إنكرني هون

وك عتمة دربك فش زيت ومشكات هون ليضوي اه عليه

قديش بدنا لنبطل نفخر و نعرف انه مش مهم إختراعنا للصفر و

إحنا زيّه.. انا لاء يا بابا, إدوارد سعيد متعدد الهوية و صبابة

بتخرف بسولف بتكلم i speake

بنسا ماضية بلحظة برجع بتشبث فيه

بديش تكون انت وأخوك على إبن العم و انت وإبن العم عالغريب

بدي نكون دايما مع الحق ولو عراس اخوي انا بإيدي حمشيه حمشيه اه

لسه بمكاني, صابر يا اخوي, نايم يا اخوي, صامد يا ابوي

لساتني اناني, راجع ازور, بسمع فيروز, أعطيني ناي وغني وغني وغني

محمود درويش

“ لا غد بالامس فلنتقدم إذا, قد يكون التقدم جسر الرجوع الى البربرية”

لو قلبي رف ححط عليه كتب مش حلحقه

مش حل ماهو الهوى شدني بقوة المرة هاي حكو لن يؤمن الي لحق هواه

وانا هواي وراي بكل مكان مش قادر اشوف سماء بدون زراق بدون blues

محمود درويش “ انا من هناك, انا من هنا, ولست هناك ولست هنا

لا تقلي انت منتمي للارض

لاني زيي زيك لما شفنا شفنا زفته

انا منتمي للزفتة للارصفة المتفجرة والمي الي بالشوارع

والحال بطّل زي بعضه وبعض بل كثر من يرون الحر فاجر

وكثر من لا يرون شيءً وهويتي شيء من الاشياء.

ليث الحسيني:

انا مش منتمي لشيء , يا دوب لحالي طايق ,

بكره هاي الارض بكره صورتي في المراية ,

شوي مكرز عأمل بس , لأخد كمان خطوة , نحو هوية نحو قضية ,

بدل مضلني هيك مشتت بدل ما يضلو الهرب هواية .

شارد والعرب ورايّه.

يما يما يما الخوف ,

بكرة جاي بعد الليل ,

التاريخ مكتوب بالدم ,

عظهور الدبابات والخيل ,

وطن يباع ويشترى ونصيح فليحيا الوطن ,

يحيا العلم على العلن شايف صنم سامعع صمم . هي

مظفر قالها قمم قمم هي

وسيبنا من الكلتشر , وهاتلك بيتشر بيرة ومزة ,

كل كروتنا محروقة قد ما لعبو فينا شدة .

مآمن انو قضايا الشخص اصدق من عنوان جريدة ,

والتعب الفردي هو البودي , والاحزاب هون غير مفيدة .