كلمات اغنية عم بتكآل emsallam 2016

مسلم هديب____V1

عم بتكآل

معدوم الثقافة لكن هالحياه بتعلم

للاسف هسة بفهم بعض الاشياء الي بتهمهم

غير المهمة عندي,انا هو ندي ولسه عايش ضدي وروحي أنت عم تتحدي

هل مشان تحدي؟ بتتخلي عن جزء مني إذا بدك ردي وعدي

أسباب تخلي (في)يحاول يتغير ويصير

يعرف حجم المساحة الي مسموحة إله يقدر

بالبرد بشعر والبرد جزء مني صاير

والحرارة طاقة خارجية بتدفيني وبتخليني أعرف

إني عبارة عمن بويضة ملقحة بمي

خارج من أحشاء والدي ومسميات بتختلف

لانه قاذفي وأنا معترف

لولا شهوته الي جابتني أنا ما بذرف

أحبار أقلامي على بشرة ورق مسطر

بألم مقطر بفكر معطر بالجهل متأثر أنا ورم سرطاني بحمل وبعرف إني...

ميرنا مراد____X2

انا عم بتأكل من جوة ولسة عايش

باليوم بموت أكتر من مرة ومش خايف

مسلم هديب____V2

طـ طريقي أكبر كذبة إنه مستقيم

فمي عقيم فشي حاجة للتقييم

عضلة لساني أقوى من بطل رفع وزن ثقيل

ونسيم عليل من شجر عليل وفش دليل

إنه الشجر بيتألم من تخليد إسم عشيق

بس أنا مسدق إنه بيتألم زي شردقة غريق

لاني عبارة عن جذع نبات عتيق

محفور علي عدة مبادئ منها لا صديق

أنا مش أرنب مع (أليس)معبي الفراغ ببريق

لاكني بشرب من الشاي الوهمي عالطريق

بستاهلش أكون حزين لاني أسير طليق

مطلق من جوارحي_طلقة تسبب حريق_

صعوبة في النطق عندي مع اني بمتلك

مقومات قدرة الكلام وأطوال أماجي بتنتهك

حرمة أذن واحد أصم ولسة صداها مرتبك

داخل أحشائي منتشر لأني أنا...

ميرنا مراد____X2

انا عم بتأكل من جوة ولسة عايش

باليوم بموت أكتر من مرة ومش خايف

مسلم هديب____V3

أول مرة عني بتدمع بكل حرقة

دموعي قليلة للعيان لكنها غرقتني من جوة

أنا بموت هضاك بينولد لبرة

حاسس حالي بمبرة قدر ويال الحسرة

مسلم أسف, مقدرتش أوي حقك

انا هسة عم بتأكل وحاسس بغيابك

إنسيك كيف كنت أعبر عن اي إشي بحياتي

لما عرفت اني وحيد هجرتني مفرداتي

غيرت تصرفاتي أسقطت تكهناتي

كدست محصلاتي خليت مسلماتي

تقلب غبار عكتاب أزلتها بكل بساطة

وكان عنوان الكتاب أسس بدء العذاب.

ميرنا مراد

ممكن أقول : بقدر أكمل بطريق فاضي لوحدي.

بس بضل أمشي معاك بطريقك , وهاض عادي.

انا عم بتأكل من جوة ولسة عايش

باليوم بموت أكتر من مرة ومش خايف

من جوة ...عم بتكآل

..

آسف.