كلمات اغنية يا صاحبي راشد الماجد 1994

يا صاحبي لا يسـري الليل بـدري

خلك بوسـط الـدار لا تجرح الليـل

الليـل تـوه وإن تجليـت يسـري

ولـ الليل نـاسٍ ما تمـل التعـاليل

خلك على تجريح الأحبـاب حـذري

ما تدري إن الليـل ستـر المواصيل

يا حبي يا للي بين عيني وصـدري

يا فـرحة الماضي وخوف المقـابيل

شـوفك هنـاي وأنت والله تـدري

والله أنا مشتـاق يا صـاح بالحيـل

للقلب عيـنٍ وأنت للعـين مغـري

يا مجـرح القـمره بسـودٍ مظـاليل

الدم يجري في عـروقي وتجـري

أنا الصحاري وأنت معشوقهـا السيل

يضيع في وصفك كلامي وشعـري

اشبهـك بالـريم واوصفـك بالخيـل