كوبليه ما هي كلمات اغنية السعادة زاب ثروت ...؟
تاريخ طرح اغنية زاب ثروت الجديده السعادة
٢٠ أبريل ٢٠١٨
كلمات اغنية السعادة زاب ثروت 2018
بنزول المية في الكوباية
انا بدأت افهم
فشوفت النص الفاضي منها
فاستغربت بضحك
بضحك علي الايام اللي عدت في الحزن واليأس
وكانى ولا شايف نصها المليان فلا بأس
عادي مش مهم عدت مش هتكسر
عرفت اسباب كتيرة علشانها لازم ابتسم
وشوفت ازاي بكلمة واحدة البسمة ممكن تترسم
زي كل سنة وانت طيب مبروك ونورتنا
ياريت نشوفك تاني وتبقي واحد مننا
واديني بفتكر وازاي انا كنت بشتكي
واقول ده العمر عدي فات ده احنا لسة بنبتدي
هفكركوا واحدة واحدة يا ريت تستحملوني
اوعدكوا بابتسامة لو كملتوا تسمعوني
فاكرين اجازة اخر السنة كل سنة
وحلاوة النجاح لما تنجح انت وانا
وحلاوة النجاح لما تنجح انت وانا
ياه حلاوتنا لما نرضي بحياتنا
ياه وقلوبنا فاتحينها لخلق الله
ياه حلاوتنا لما نرضي بحياتنا
ياه وقلوبنا فاتحينها لخلق الله
انا فاكر المحبة والعشرة والصحاب
والكورة الساعة ستة والشورت والشراب
وحوش المدرسة في الفسحة مليان بالصحاب
والشنطة قاسمة ظهري وفيها مليون كتاب
ايوة فاكر عيد ميلادي والتورتة والشموع
واللعبة دي عايزها واقعد اعيط بالدموع
وعيد ورا عيد بيجي طب فين العدية
يا بخت عم محمد البقال اللي تحتيا
خلصت فلوسي كلها علي البوظو واللوليتا
مبروك البوية الجديدة مكتوبة علي كل حيطة
ذكريات كتير عبيطة بس كانت ايامنا حلوة
ايوه كانت ايامنا حلوة والمشاكل كانت بسيطة
كلما نكبر اكتر تكبر همومنا تزيد
بقيت انسان جوه منه محبوس طفل مش سعيد
الدنيا بتاخد فينا وتودينا وتنسينا
ونروح نتوه ندور علي السعادة وهي فينا
اه بحب السعادة وبحب اللي بيسعدوني
وبحب اللي وقفوا جنبي لما غيرهم كسروني
وبحب المزيكا لما تعلي في العربية
وبحب ليلة العيد والسهر علي مسرحية
وبحب لما اللمة تكمل بينا علي الغدا
وبحب سهر الصيف وبحب برد الشتا
وبحب المدرسة وصحابي اللي بقيوا منها
وكل حاجة بسيطة بنحبها وناسينها
ياه حلاوتنا لما نرضي بحياتنا
ياه وقلوبنا فاتحينها لخلق الله
ياه حلاوتنا لما نرضي بحياتنا
ياه وقلوبنا فاتحينها لخلق الله
اغنية السعادة زاب ثروت 2018 بالكلمات مكتوبة كاملة تم طرح اغنية زاب ثروت الجديدة على القناة الرسمية على اليوتيوب بتاريخ ٢٠ أبريل ٢٠١٨ كوبليه كلمات اغنية
