كلمات اغنية موال رصيف القلق طارق الشيخ 2000

هو ساحة الانتظار

على رصيف القلق

كنت واقف قلبي شارد فوق كتافي شنطتي

كنت شايف جرحي فارد فوق خدودي دمعتي

والوبور عمال يصفر

مستني ايه حرام عليك تفني بقيت عمرك هنا حرام ياقلبي

والوبور خلاص هيطلع

مستني ايه ارحم عينيك ويلا بينا من هنا خلاص يا قلبي

صعبان عليا يا قلبي منهم

الليل قاسي والجرح منهم

ياما ناديتك حرص منهم واترجيتك تبعد عنهم

وانت ياقلبي تقولي امنلوا ازاي واحنا في نار

امسح دمعك واخلص منهم اوعى ياقلبي اوعى تحنلهم

اطلع دحنا منبناش منهم الا دموع ومرار

اطلع انا مش هضعف تاني ولا هرجع في كلامي

صفر يا وبور على اى مكان مفهوش احزان وديني وسيبني

صفر يا وبور اطلع من هنا وابعد عن هنا دا الحزن صايبني

اطلع من هنا وابعد عن هنا خد قلبي معاك على الفرح هناك وديني

اطلع

اطلع وديني يا وبور على فرح سنيني يا وبور

على دنيا جديدة تعوضني عن اى عذاب

ايام سعيدة تفرحني ويا الاحباب

واداوي جراحي واعلن افراحي

وكفاية عذاب يا وبور وملام وعتاب يا وبور

وكفاية عذاب ايام وعتاب وديني

اطلع خليني انسى اللي ناسيني

قبل الاحزان ما تشيلني انا اعيشلي يومين

طول العمر الفرح بعيد عني طول عمري حزين

عايز انسى الآمي واعيش ايامي

ده انا ليل ونهار بين ويل ومرار نسيني

اطلع قوم بينا

اوعى تبكينا

خلصت الدمع اللي في عيني وتعبت خلاص

وصبرت لحد ما فاض بيا من ظلم الناس

دول بكوا عيوني وكمان جرحوني وفاتوني فى نار والبال محتار اه يا عيني

اطلع وكفايا غلبني بكايا

مش هسأل ليه انت واخدني ولا حتى لفين

نار الاحزان وانا جنيته دول ناس قاسيين

مش هرجع تاني ولا اعيش وحداني

ده انا قلبي دواه يرتاح من الاه وديني

اطلع