كلمات اغنية جبلي معك فرج سليمان 2025

جبلي معك

من ضُمّة الضو الأولى

جبلي معك خيطين

خيط يضويلي شَعري

وخيط يقطّب أفكاري

وبدي حفنة من هوا

بعده ما عبّى صِدِر

ولا داق لسعة فراق

ابرّد فيه قلبي

جبلي معك قمر حافي

وشمس غافية جبلي معك

وسلّة مطفّحة بنجوم

ومغلّفة بغيوم

جبلي بسمة بكاس

جبلي ألِف بُكلة

ياسمينة مليانة ندى

ووردة بحُضني قعّدا

وجبلي لضحكتي علبة

وشجر مزهِّرعلى فستان

حُب مزروع بقوّارة

وريحة حارة جبلي معك

مش تنسى تجيب ايديك

يتمشّوا بْهدا عَ خدّي

وقبال بحر عمره ما انحبس

نرمي على شطوطه النفَس

والحُضن تنساش الحُضن

وْسيع بِحميني من الغرق

جبلي معك صورة الك

تبقى معي وأبقى معك