كوبليه ما هي كلمات اغنية قلبي في آخر الليل فرج سليمان ...؟
تاريخ طرح اغنية فرج سليمان الجديده قلبي في آخر الليل
٠٦ ديسمبر ٢٠٢٠
كلمات اغنية قلبي في آخر الليل فرج سليمان 2020
قلبي بآخر الليل
بيمشي مشواره لبيتك
بيكزدر بالذكريات
كل ما أفكر حالي نسيتك
كل ما أفكر حالي نسيتك
قلبي عـ وجه الفجر
بيركب بسوكليت الخيال
بيطلع عـ سطح بيوت قديمة
وبيخلع أبواب السؤال
يا شجر حامل شنطة العتمة
بسأل عـ بيت فاضي للإيجار
من أي خوف بتخلق النكتة؟
من أي ضحكة معدن المسمار؟
من أي وجع تشرب الوردة؟
من أي عطش تنبع الأنهار؟
قلبي بآخر الليل
بيمشي بكل محل مشينا
ببرود وين إحنا بردنا
وبقدح ولعة وين دفينا
بقدح ولعة وين دفينا
بترك شمعة مضويّة
قدّام بوابة حديد
بترك جمرة مطفيّة
بقلب صندوق البريد
يتطلّع بحيطان مدرستك
عـ صور مرسومة بألوان ميّ
يغفى بسواد الكحل عـ جفنك
ويشوفك خايفة مني عليّ
ويغمض عـ وسع حلمك
والأرق يسقي الشوارع ضي
قلبي فـ آخر الليل
بيمشي مشواره لبيتك
بيكزدر بالذكريات
كل ما أفكر حالي نسيتك
كل ما أفكر حالي نسيتك
قلبي عـ وجه الفجر
بيركب بسوكليت الخيال
بيطلع عـ سطح بيوت قديمة
وبيخلع أبواب السؤال
اغنية قلبي في آخر الليل فرج سليمان 2020 بالكلمات مكتوبة كاملة من كلمات مجد كيّال والحان فرج سليمان تم طرح اغنية فرج سليمان الجديدة على القناة الرسمية على اليوتيوب بتاريخ ٠٦ ديسمبر ٢٠٢٠ كوبليه كلمات اغنية
- كلمات : مجد كيّال
- الحان : فرج سليمان
