كوبليه ما هي كلمات اغنية نشيد عربسرائيل فرج سليمان ...؟
تاريخ طرح اغنية فرج سليمان الجديده نشيد عربسرائيل
٢٨ فبراير ٢٠٢٣
كلمات اغنية نشيد عربسرائيل فرج سليمان 2023
نشيد عربسرائيل
يا نهر بركض محلّه من الطيرة لعرب الخوالد
في مقهى على طراف النهر
بَمرُق بلاقي حالي قاعد
يا نهر بركض محلّه
يا حكاية إبريق الزيت
حامل قوارب الي ضلّوا
يستنوا الفرح بالبيت
يا نهر بركض محلّه
يا جذر مشتاق لبذره
يا غايب ما أخذ إبنه
لكن حامل على ظهره عذره
يا نهر بركض محلّه
يا نافورة بحوش الدار
يا مَيّ ما إلها زمن
والزمن بطفيش النار
يا نهر بركض محلّه
يا تعليلة بلا نهاي
يا ريح التعب اللي رايح
يا وجع الراحة اللي جاي
يا نهر بركض محلّه
يا مسلسل بخلصش
يا ولد نازل على شط، بس إمّه قالت تغطسش
يا نهر بركض محلّه
يا مدى مجعلك حزيط
يا سفينة بقلب متحف
ما عرف خشبك محيط
يا نهر بركض محلّه
يا كسل الشتا القديم
يا صلاتك يا محمّد
واحنا ع بواب الجحيم
يا نهر بركض محلّه
يا عرق ع جبين أبوي
يا شجاعة تصير رعبة
كل ما عم بكبِس سموي
يا نهر بركض محلّه
يا صدى جسر الحديد
بعده حاوي فوقك واقف
يسأل ع الشرق الجديد
اغنية نشيد عربسرائيل فرج سليمان 2023 بالكلمات مكتوبة كاملة من كلمات مجد كيّال والحان فرج سليمان تم طرح اغنية فرج سليمان الجديدة على القناة الرسمية على اليوتيوب بتاريخ ٢٨ فبراير ٢٠٢٣ كوبليه كلمات اغنية
- كلمات : مجد كيّال
- الحان : فرج سليمان
