كلمات اغنية أمانة عليك كارم محمود 2004

أمانة عليك .. يا ليل طول .. وهات العمر من الأول

بحب جديد .. وقلبي سعيد .. ياريتني عشقت عمنول

أمانة أمانة .. أمانة أمانة

أمانة يا ليلي .. يا ليلي

يا ليل طول على العشاق .. وقول للفجر مايبانشي

يهون العمر ع المشتاق .. وساعة القرب ما تهونشي

يغنيلك .. يا ليل يا ليل .. على السهران .. يا ليل يا ليل

ترد عليه نجوم الليل .. تقوله كمان من الأول

أمانة أمانة .. أمانة أمانة

أمانة يا ليل .. يا ليل

سنين فاتت وأنا خالي .. أنادي الحب وأتمناه

وأديني عرفت وبقالي أمل في الدنيا بستناه

وأغنيلك .. يا ليل يا ليل .. على الفرحان .. يا ليل يا ليل

ترد عليا نجوم الليل .. تقولي كمان من الأول

أمانة أمانة .. أمانة أمانة

أمانة يا ليل .. يا ليل

حبيبي البدر لما يبان .. وعوده الغصن لما يميل

خدوده الورد في البستان .. عيونه السحر فيها جميل

حبيبي يا ليل .. عروس الليل .. على العرسان .. يا ليل طول

أغنيله وأقول يا ليل - يقوللي كمان من الأول

أمانة أمانة .. أمانة أمانة

أمانة يا ليل .. يا ليل