كوبليه ما هي كلمات اغنية تعالي نتحاسب مصطفى كامل ...؟
تاريخ طرح اغنية مصطفى كامل الجديده تعالي نتحاسب
٢٤ يوليو ٢٠١٧
كلمات اغنية تعالي نتحاسب مصطفى كامل 2017
انا اللي يا دنيا كل حبايبي ظالمني
انا اللي يا دنيا كبرتيني فوق سني
انا اللي تملي جايه عليا ظلماني
انا القلب اللي عاش غلبان وعاش طيب
في عز جراحي اقول حاضر واقول طيب
انا اللي يا دنيا عمري ما كنت شراني
انا اللي دمعتي أيام وانا اللي فرحتي ثانيه
تعالي نتحاسب يا دنيا ع اللي عدى و ع اللي راح
تعالي نتحاسب يا دنيا ع القسيه و ع الجراح
شفت ايه حلو ف حياتي من بدايتي لنهاياتي
شفت ايه غير العذاب
قسوه مش فاكر عددها فرحه بتموت يوم ميلادها
حزن خلى القلب شاب
ياما تهت فيكي يا دنيتي ومالكيش مراسي
وكتير بحس بغربتي وانا وسط ناسي
اللي حبيتهم باعوني واللي عليتهم خانوني
كله داس عشرة زمان
وانتي باركتي ووافقتي ياما كنتي ف وقت ضيقتي
مقفله ف وشي البيبان
انا عشت عمري حيران ف أمري
على ضي قمري سهران وحيد
ملقتش جنبي غير جرح قلبي
حتى حبايبي باعدين بعيد
ورتيني الويل طول النهار والليل
وشفت فيكي العجب
من أول المشوار بيني وبينك نار
معرفش ايه السبب
كل ده وصابر وراضي ببكي على حاضر وماضي
وقلبي خايف م اللي جاي
سبتي مليون جرح ذكري يا تري رسمالي بكره
لونه عتمه ولا ضي
عودتي قلبي على الوجع انتي وزماني
من كتر قلبي ما اتوجع كره الأماني
عايزة نتحاسب تعالي شوفي كام ليل م الليالي
كنت سهران ببكي فيه
امتى حسيتي بوجيعتي أو ظلمتيني ورجعتي
ف أي حكم حكمتي بيه
اغنية تعالي نتحاسب مصطفى كامل 2017 بالكلمات مكتوبة كاملة من كلمات مصطفي كامل والحان مصطفي كامل تم طرح اغنية مصطفى كامل الجديدة على القناة الرسمية على اليوتيوب بتاريخ ٢٤ يوليو ٢٠١٧ كوبليه كلمات اغنية
- كلمات : مصطفي كامل
- الحان : مصطفي كامل
