تاريخ طرح مهرجان واكلين المستهبلة
٠٥ يناير ٢٠٢٥
كلمات مهرجان واكلين المستهبلة 2025
واكلين المستهبله
طب عادي مفيش مشكله
غلطاتكم متسجله
جاي حساب الفواتير
اتقلو هتتكيفو
وساعتها بقا هتعرفو
اللي يحن انا هكرفو
مانا مش شايف تقدير
مشيتها تشوفني هشوفك
متجيش وتقولي ظروفك
انا هعمل ايه بكسوفك
ياحبيبي صعبت عليا
اسلك علشان اسلكلك
هتحور مش هضحكلك
والله بيبان على شكلك
يابني انا بقراك بعنيا
خليكو عارفين بس وفاهمين
لقطاتكو دي مش بنساها
وان عديتهالكو ياريت تفهمو
ان انا عديتكو معاها
بطلت عتاب وقفلت الباب
اللي مودينى في متاهه
دانا بدل الصفحه فتحت كتاب
مابناقص منكو بلاها
وصلو للي مفكرني
بزعل ع اللي بيخسرني
ما يغور اللي يعكرني
اصلها مش طالبه صداع
والله في حالي احلالي
مبسوط و مريح بالي
ولا فارقه عزيز ولا غالي
ماشيه في كل الاوضاع
اسمع بقا كلمة اخيره
ما تشغلش الشريره
هتدور شغلانه كبيره
خدها نصيحه بقولهالك
اللي قصادك في العند
معروف عنو انو تريند
خليك عامل م الهند
وانت يا امور وخيالك
مشكلتك انك واهم نفسك
عايش دور مش دورك
والله بفصل م الضحك
انا لما بصدفه بشوف منشورك
خف الأفوره بطل منظره
فووق للي بقولهولك
والله ما جايبك فعلا وره
غير حواراتك وغرورك
اخرة تفكيرك فيا
هيجبلك حاله نفسيه
ليه شغلت دماغك بيا
طب اديك مبقتش تنام
مليون مره قايلهالك
انا حد غير اللي في بالك
طب قابل اللي هيجرالك
بينى وبينك الأيام
فتره واخليك تتمنا
على رزقك بس استنا
على نار مستني الرنا
المح رقمك قدامي
بكره اللي في بالي يحن
واعتبرو زبون بيرن
متقوليش حن ياجن
انسا تعوض ايامي
انا زي الموت مبجيش في العمر
غير مره ولا بتكرر
كان حلم حياتك ارد عليك
صدفه تشوفني ونتصور
جيتلي في اعجاب من تحت الباب
ودخلت على المتدور
انا عندي الشات بالأسكرينات
على مين جاي وهتحور
الكروان لما يغني
كلها تسمع بتأني
الصاصا دا واحد بس
ع الساحه دا اقوى مغني
في الكلمات نمبر وان
البابا مصطفى الجن
الاسطوره كيمو الديب
بصمتو في الكون بترن
مسا على اتقل ادارات
يعني وحوش العلاقات
ابو طه ومعاذ وليد
يحميهم م الرادارات
وسع لملوك الحصري
المافيا غزاله والمصري
مهرجان واكلين المستهبلة عصام صاصا الكروان 2025 بالكلمات مكتوبة كاملة من كلمات مصطفي الجن وتوزيع كيمو الديب تم طرح مهرجان واكلين المستهبلة على القناة الرسمية على اليوتيوب بتاريخ ٠٥ يناير ٢٠٢٥ كوبليه كلمات مهرجان
- كلمات : مصطفي الجن
- توزيع : كيمو الديب
شاهد واستمع الكليب الرسمي لمهرجان واكلين المستهبلة 2025 مع الكلمات مكتوبة كاملة
