تاريخ طرح مهرجان الصمت لغة العظماء
١٥ سبتمبر ٢٠٢٤
كلمات مهرجان الصمت لغة العظماء 2024
ضحك الجدع وقت الوجع هيبه
والدمعه في عيون الرجال عيبه
وانا مهما حملي يكون تقيل
قد الحمول وهشيل
لا هينحني ضهري ولا
هميل عمري للخيبه
الصبر على رمي البلا والافترا عباده
والصمت وقت الهرجله والله ما بلاده
عمر الكلام مايهز لكبير المقام شعره
مهما الرخاص صوتهم علي
واتطاولوا ع الساده
الصمت لغة العظماء
والهري لغة البلهاء
وسكوتي لو فيكم فاهم
هيفهم انه استهزاء
الفعل لو مش مدروس
يذل ويوطي الروس
وانا هيبه خطوتي بحساب
وغلطتي أدبها فلوس
انا ضربتي بألف شاكوش
والطلقه مني بخرطوش
بجيب من ابو اخر وانهي
كُتر الكلام مابحبوش
العركه هتدور هتدور
والكل جاي وبالدور
وساعتها هتشوفوا بعينكوا
دم الكبير لما يفور
الخبط فوق الراس نازل وبزياده
ووقوعي ألف لئيم مستني كالعاده
لكن عشم ابليس في الجنه وبعينكوا
أنا أدكم وأدود ورقبتي سداده
هاتنصبولي كمين هنصبلكم شادر
وسدوا لو شاطرين وعليكم أنا قادر
حديد وعمري مالين لو اعادي ١٠٠ فاجر
بيسنيلي السكاكين وفي وجعي بيتاجر
مهما الزمن بيا يميل
انا ع الميزان برضه تقيل
مابقعش بالساهل فوقوا
مفيش نمله بتكعبل فيل
على وضعي لسه وكرباج
ولسعتي دوا وعلاج
للشماتين والناقصين
وكابوس عاملكوا إزعاج
يساويها ربنا في الجاي
وبكره هتشوفوا ازاي
برد فعلي يكيفكوا
من غير معسل ولا شاي
بس انتوا خليكوا فاكرين
ان انتوا كنتوا الباديين
وغركوا هدوء الريح
ونصبتوا للسبع كمين
مهرجان الصمت لغة العظماء محمد سلطان 2024 بالكلمات مكتوبة كاملة من كلمات عمرو قطب والحان عمرو قطب وتوزيع طه الحكيم تم طرح مهرجان الصمت لغة العظماء على القناة الرسمية على اليوتيوب بتاريخ ١٥ سبتمبر ٢٠٢٤ كوبليه كلمات مهرجان
- كلمات : عمرو قطب
- الحان : عمرو قطب
- توزيع : طه الحكيم
شاهد واستمع الكليب الرسمي لمهرجان الصمت لغة العظماء 2024 مع الكلمات مكتوبة كاملة
