تاريخ طرح مهرجان انا ديب مع الديابة
١٥ يونيو ٢٠٢٣
كلمات مهرجان انا ديب مع الديابة 2023
انا ديب مع الديابه
وابيض مع الغلابه
فتحت فى وسط غابه
واتربيت بين وحوش
حقى بجيبو بدراعى
اللى هيخطأ بتاعى
قبلك عاش دور رفاعى
صدقنى ما شفتهوش
الخوف لا اعرفلو شارع
ولا عمرو فى يوم قابلنى
وبقولها وكلو سامع
اصحو محدش شاغلنى
الملعب يلا واسع
مرحب بلى يعاملنى
مين فيكم مخو لاسع
قلبو يجيبو يزاولنى
انا واخواتى خمسه سته
مع بعض فى اى حته
دايسين اتخنها جته
على خط الموت نروح
عايزك تصحا لكلامى
مش معتمدين اسامى
ابطال وسلاحنا حامى
تعادينا تشوف جروح
واجهة مصر الجديده
السيطره مجدى عيد
ابو فاطمه دا قلبو ميت
وحش يفوت فى الحديد
احمد عيد الرياسه
دا مشرف دايرتو
اسمع منو الخلاصه
ماتجيش على سكتو
بتجسو النبض ولا
جايين فى حكايه يلا
ايه نسيتو مين اللى جلا
ارجعو كدا بالقديم
الارض دى لو بتنطق
كات قالت م إلى قلق
اتخنكو قصادنا فلق
برطع زى الحريم
عايزين اخصام جديده
القدام بقو معجبين
دول جدعان فى الحديده
غير كدا الله المعين
لسه عليكم بعيده
على ايه متخطرين
ايه بتطلعو فى الجريده
لامؤخذه بقا انتو مين
خصمى تمامو الصاموله
وماشفتلهوش رجوله
منو نتشت البطوله
علمت خلاص عليه
هو اللى عمل عضمضم
ولقيتو داخل يبرطم
اديتو خليتو يقطم
كشافى تلف عنيه
انا لما بقول بنفذ
والكلمه بتاعتى سيف
عايزك تصحا وتركز
لا اسحبلك ع الخفيف
بلعب بسلاح بعجز
انا خدت الحرب كيف
مش جاى فى جوله فكس
حضن وأمسك رصيف
الموت مكتوب عليا
والخوف مش طبع فيا
انا بايع القضيه
مش باقى على اى شيئ
اجمل ايام حياتى
قضيتها فى سجن عادى
انا بتحاسب يوماتى
انا معرفليش طريق
الدنيا معانده فيا
وزمانى عليا داس
بتقولى انت الضحيه
صبيتلى مرار فى كاس
خبيت دمعة عنيا
بنصيبى رضيت خلاص
مش شايل من شويه
من جوا بموت ياناس
مهرجان انا ديب مع الديابة احمد موزه السلطان 2023 بالكلمات مكتوبة كاملة من كلمات مصطفي الجن وتوزيع يوسف اوشا تم طرح مهرجان انا ديب مع الديابة على القناة الرسمية على اليوتيوب بتاريخ ١٥ يونيو ٢٠٢٣ كوبليه كلمات مهرجان
- كلمات : مصطفي الجن
- توزيع : يوسف اوشا
شاهد واستمع الكليب الرسمي لمهرجان انا ديب مع الديابة 2023 مع الكلمات مكتوبة كاملة
