تاريخ طرح مهرجان رد العيب بالعيب
٢٠ أبريل ٢٠٢٣
كلمات مهرجان رد العيب بالعيب 2023
اللى احتاجله ويدينى ضهره
ويعمل نفسه عبيط
ميلفش ويجينى من تانى
لما يشوفنى عليت
انا مش بنسا اللى يوم اذانى
ياللى فاكرنى نسيت
بكره هتتفاجأو بأفعال
واوعدكو الجاى تقيل
رد العيب مش عيب
لو جيه من اهل العيب
ايوة العيب بالعين
والبادى يسد مدام بيخيب
انا م الليلة خلاص مش باقى
على اللى يبيع ويسيب
عمى ده قرشى وصاحبى دراعى
ماليش فى الدنيا حبيب
دارى ياعينى خبى حنينى
للى اذينى ليه بتخنى
هعد مع حالى واللى جرالى
كلو اذانى كلو كسرنى
طب عينكو فى عينى
مين اللى صافيلى
مين اللى بايعنى
مين اللى باقيلى
بتحبونى ضحكتونى
لا مش فايق
يلا انسونى
عينى فى عينكم جاى
اسالكم مين فيكم سلكان
اشكال ناقصه ومفيش واحد فى الجدعنه فهمان
انتو تحبو اللى يأكلكو ويجبلكو دخان
اما الطيب بينكو اتعذب واتبهدل واتهان
جدعنتى هلفها فى سجاره
ومش همسى انا على غيرى
دى الجدعنه جيالى بخساره
فى لازم اتعامل ميرى
انا محطوط بى ناس غداره
وحلمهم تدميرى
بكره تشوفو ردود جباره
وهلغى خلاص تقديرى
كنتو معايا وانا معايا
كنت معاكو وعلى عمايا
الله ينور كلو اتطور
ده اسلك سالك
فيكو بيحور
بره حياتى وتحياتى
دمرتونى كان دوركم عالى
عاش اوى ليكو
مبانش عليكو
اقنعتونى علقتونى بيكو
طب حب بحب رجولة برجولة
وغير كدا بح مفيش
خفو عبطكم انا مش فاهم
ياريت متمرهموليش
لو هتمشو الشغلة عمولة
ومش هتصونو العيش
يبقا مبينا السيرة مقفولة
خلاص ومتلزمونيش
طول منا ساند نفسى بنفسى
انا عمرى مهحتاج ليكو
ربنا ميحوجنى لاشكالكو
ياللى الغل ماليكو
انا مرتاح وتمام من غيركم
انسونى الله يخليكو
ربنا يبعد بينى وبينكو
وعن سكتى يعميكو
خفو عنيكو الله يخليكو
انا مش وارث عشان اديكو
امشى وسيبنى ياللى حاسدنى
ماتخف شوية دنا على اخرى
دحنا عنينا للى شارينا
يبقا معانا لو باقى علينا
واللى بايعنا بكره يجيلنا
بس ساعتها ولا يشغلنا
مهرجان رد العيب بالعيب احمد موزة السلطان 2023 بالكلمات مكتوبة كاملة من كلمات سوستا وتوزيع رضوان التونسى تم طرح مهرجان رد العيب بالعيب على القناة الرسمية على اليوتيوب بتاريخ ٢٠ أبريل ٢٠٢٣ من انتاجلايك استوديو ( ياسر الشيخ ) كوبليه كلمات مهرجان
- كلمات : سوستا
- توزيع : رضوان التونسى
- إنتاج : لايك استوديو ( ياسر الشيخ )
شاهد واستمع الكليب الرسمي لمهرجان رد العيب بالعيب 2023 مع الكلمات مكتوبة كاملة
